У Беларусі жыве амаль 52 тысячы ветэранаў Вялікай Айчыннай вайны
Амаль 52 тысячы ветэранаў Вялікай Айчыннай вайны жывуць у Беларусі, паводле звестак на 1 студзеня бягучага года. Паводле звестак упраўлення дзяржаўнай сацыяльнай падтрымкі насельніцтва Мінпрацы, кожны год іх становіцца менш на 7-8 тысяч чалавек. Як паведамляе БЕЛТА, у Беларусі жывуць 19 Герояў Савецкага Саюза, якія атрымалі гэтае званне ў гады Вялікай Айчыннай вайны, і 2 - за ўдзел у баявых дзеяннях на тэрыторыі іншых дзяржаваў. У Гомельскай вобласці жыве адзіны ў нашай краіне кавалер ордэна Славы трох ступеняў.
