У Беларусі знайшлі матацыклы, якія шукаў Інтэрпол

Ноччу 27 красавіка на аўтадарозе Мінск - Гродна паблізу вёскі Пяршаі (Валожынскі раён) супрацоўнікамі праваахоўных органаў была затрымана аўтамашына "ГАЗ-3302", якой кіраваў 31-гадовы жыхар Вязьмы (Смаленская вобласць, Расія). Як паведамілі ў аддзеле інфармацыі і грамадскіх сувязей УУС Мінаблвыканкама, расіянін перавозіў два матацыклы: "Ямаха-R1" і "Кавасакі Ніндзя-ZX900".

Пры праверцы па базе звестак выкрадзенага транспарту ўстаноўленага, што абодва матацыклы адшукваюцца па лініі Інтэрпола.

Грузавая аўтамашына і матацыклы канфіскаваны. Праводзіцца праверка.