У Быхаўскам раёне са стрэльбы 1916 года выпуску застрэлены міліцыянт

29-гадовы гомельскі міліцыянт загінуў на паляванні ў Быхаўскім раёне Магілёўскай вобласці. Начальнік аддзялення па наркакантролю і супрацьдзеянні гандлю людзьмі паехаў у лес разам з трыма сябрамі. Паводле інфармацыі пракуратуры, міліцыянт, выходзячы з аўтамабіля, трымаў стрэльбу руляй дагары і выпадкова націснуў на спускавы кручок. Куля патрапіла яму ў галаву. Раненне было смяротным.

Было высветлена, што стрэльба замежнай вытворчасці 1916 года выпуску не была зарэгістраваная, а паляванне праводзілася без дазволу.

БелаПАН