У Генштабе УСУ лічаць, што Беларусь на вучэннях адпрацуе захоп часткі Украіны
Беларусь на бліжэйшых вайсковых вучэннях можа адпрацоўваць захоп часткі Украіны. Пра гэта заявіў намеснік начальніка галоўнага аператыўнага ўпраўлення Генштабу УСУ Аляксей Громаў на брыфінгу 1 верасня.
Вучэнні ў Беларусі адбудуцца 8-14 верасня. На іх Беларусь упершыню будзе адпрацоўваць "вызваленне часова акупаваных тэрыторый, вядзенне контрнаступлення і выхад на дзяржаўную мяжу". Удзел у гэтых вучэннях прымуць таксама вайскоўцы з Расіі ды іншых краінаў АДКБ.
"Але пад "акупаванымі тэрыторыямі" могуць разумецца і ўкраінскія землі", — мяркуе Громаў. Па яго словах, гаворка можа ісці аб прыгранічных рэгіёнах Валынскай, Ровенскай і Жытомірскай абласцей.
