У грамадскім транспарце кантралёры правядуць “хапун” безбілетнікаў

З 17 снежня ў Беларусі адмяняецца льготны праезд у грамадскім транспарце. З панядзелка мінскім студэнтам, школьнікам і пенсіянерам давядзецца плаціць замест звыклых 300 рублёў удвая болей.
Як даведалася Еўрарадыё, у першы дзень адмены льготнага праезду на лініі выйдуць у некалькі разоў больш кантралёраў.

Толькі ў Мінску ад адмены льготаў транспартная капілка будзе штомесяц папаўняцца 3 мільярдамі рублёў. Прадпрыемства “Мінсктранс” абяцае гэтыя грошы выкарыстоўваць для абнаўлення свайго аўтапарку.