У Гродне з 10 красавіка пачынаюць адключаць ацяпленне

У Гродне гарвыканкам з 10 красавіка узгадніў адключэнне ацяплення ў прамысловых прадпрыемствах, грамадскіх і адміністрацыйных будынках. Прычынай называецца ўсталяванне станоўчай сярэднясутачнай тэмпературай, піша Гродзенскі блог s13.ru.

Адключэнне ацяпленне адбываецца ў тры этапы. Спярша пад яго трапляюць адміністрацыйныя і вытворчыя будынкі. Потым ідзе чарга дзіцячых садкоў, школ, жылля і інтэрнатаў. У апошнюю чаргу ацяпленне адключаюць у бальніцах і паліклініках.

Пры зніжэнні сярэднясутачнай тэмпературы цяпло вернуць у рэжыме прапальвання.

Пачатак і заканчэнне ацяпляльнага сезону вызначаюць мясцовыя ўлады.