У Кіеўскай вобласці пад абстрэл трапіў эвакуацыйны цягнік
Увечары 24 сакавіка пад Васільковам Кіеўскай вобласці пад абстрэл трапіў эвакуацыйны цягнік. Пра гэта паведаміў старшыня праўлення Украінскай чыгункі Аляксандр Камышын, піша hromadske.ua.
Цягнік ехаў з Кіева ў Івана-Франкоўск. Паведамляецца, што пацярпелых няма ні сярод брыгады цягніка, ні сярод пасажыраў. Толькі ў трох вагонах павыбівала шыбы.
"Пад абстрэл трапіў эвакуацыйны цягнік з людзьмі. Гэта самае святое, што ў нас цяпер ёсць. Я зноў прашу ўвесь цывілізаваны свет: дапамажыце нам, зачыніце неба. Сваю працу на зямлі мы зробім", — напісаў Камышын.
