У Клецку аднавілі крымінальны пераслед рэдактара незалежнага бюлетэня

У горадзе Клецк Мінскай вобласці аднаўляюць крымінальную справу супраць Сяргея Панамарова, выдаўца і рэдактара незалежнага інфармацыйнага бюлетэня “Бойкий Клецк”.  На 16 жніўня яго выклікалі да дазнаўцы ў мясцовую міліцыю. Паводле словаў Панамарова, яшчэ ў 2000 годзе яго абвінавачвалі ў паклёпе паводле заявы загадчыцы мясцовай юрыдычнай кансультацыі.

Крымінальная справа была спынена толькі ў чэрвені сёлета ў сувязі з адсутнасцю складу злачынства – лінвістычная экспертыза не пацвердзіла фактаў паклёпу ў публікацыі.

Аднак адразу пасля таго, як Сяргей Панамароў падаў ў Клецкі райвыканкам заяўку на правядзенне пікета ў абарону палітвязня Аляксандра Казуліна, крымінальная справа была адноўленая.  

Радыё Свабода