У кватэры мінскай пенсіянеркі знайшлі 200 грамаў ртуці
200 грамаў ртуці захоўвалася ў мінскай пенсіянеркі. Герметычную ёмістасць з ёй знайшлі сваякі бабулі, калі прыбіралі кватэру. Супрацоўнікі МНС забралі ртуць для ўтылізацыі. Перавышэння гранічна дапушчальнай канцэнтрацыі пароў ртуці ў памяшканні выяўлена не было. Цяпер міліцыя высвятляе, якім чынам яна патрапіла ў кватэру, паведамляе агенцтва "Мінск-навіны".
