У Лівіі паўстанцы вярнулі кантроль над горадам Адждабія
Адждабія ўжо некалькі дзён з'яўляецца пунктам супрацьстаяння паміж урадавымі войскамі і супернікамі Муамара Кадафі.
Відавочцы сцвярджаюць, што, насуперак меркаванню пра ваенную непадрыхтаванасць паўстанцаў, у іх атрымалася адбіць горад ва ўрадавых войскаў, якія занялі яго на мінулым тыдні.
Па словах карэспандэнта Бі-бі-сі ў Адждабіі, цяпер паўстанцы святкуюць перамогу.
Баі за іншы ключавы горад Місрату на захадзе краіны працягваюцца.
