У Магілёве не пабудавалі і паловы запланаванага на год жылля
Па выніках 11 месяцаў у Магілёве пабудавана 109,2 тысяч кв. м жылля.
Гэта складае 47% ад гадавога задання, паведамляе БелаПАН са спасылкай на начальніка гарадскога ўпраўлення эканомікі Алу Багаценку.
На паседжанні было адзначана, што з прагназаваных 230 тысяч кв. м жылля ў 2013 годзе чакаецца ўвод толькі 138 тысяч кв. м. Паказчык па ўводзе жылля ў Магілёве ў 2014 годзе пакуль не зацверджаны на абласным узроўні. Мяркуецца, што ён будзе каля 139,6 тысяч кв. м.
