У Магілёве ўсе жадаючыя могуць паглядзець калядную батлейку

Калядную п’еску “Цар Ірад” і вясёлыя інтэрмедыі паказваюць у святочныя дні ў Магілёве. Праект рэалізуе Магілёўскі мастацкі музей імя Паўла Масленікава.  Батлейка – сярэднявечны лялечны тэатр – была зробленая беларускімі мастакамі паводле арыгіналу, які захоўваецца ў адным з музеяў Санкт-Пецярбурга. Ад старажытнай яна адрозніваецца бадай што сучасным асвятленнем.

Паглядзець калядную батлейку ў музей прыходзяць школьнікі цэлымі класамі, паведамляе газета “Звязда”.