У мінскія крамы да Новага года паступіць 1,6 млн бутэлек шампанскага

У крамы сталіцы да Новага года паступіць 1 мільён 600 тысяч бутэлек шампанскага. Гэта на 10% больш, чым было прададзена летась. Як паведаміў выконваючы абавязкі начальніка галоўнага ўпраўлення спажывецкага рынку Мінгарвыканкама Аляксей Раманаў, не будзе праблемаў у мінчанаў і з набыццём кандытарскіх вырабаў. — Сёлета ў нас не будзе праблем з забеспячэннем таварамі насельніцтва горада. Дасягнута дамоўленасць з Мінскім заводам шампанскіх вінаў, у “Белдзяржхарчпраме” на мінулым тыдні адбылася нарада з вытворцамі кандытарскай галіны. Па кандытарскіх вырабах праблем таксама не будзе.

Мінскія крамы ўжо закупілі тавараў навагодняга асартыменту на 3,5 мільярда рублёў.