У Мінску паставяць эратычны мюзікл "Казанова"
Ужо ў красавіку кампазітар і прадзюсар Кім Брэйтбург пачне ў Мінску працу над двума праектамі. Першы, як піша "Народная воля", эратычны мюзікл “Казанова”. Ролі ў ім выканаюць студэнты ўніверсітэта культуры і мастацтваў. Мастацкім кіраўніком пастаноўкі выступіць спявачка Ірына Дарафеева, загадчыца кафедры мастацтва эстрады.
Другі праект Брэйтбурга — мюзікл “Джэйн Эйр”, створаны паводле аднайменнага рамана Шарлоты Бронтэ. Яго паставяць у Музычным тэатры.
