У Мінску працягвае паляпшацца дэмаграфічная сітуацыя

Дэмаграфічная сітуацыя ў беларускай сталіцы працягвае паляпшацца. Паводле звестак Мінскага гарадскога ўпраўлення статыстыкі, за студзень-красавік бягучага года ў горадзе нарадзіліся 6509 дзяцей - на 11,4% болей, чым за аналагічны перыяд мінулага года.  Агенцтва "Мінск-навіны" інфармуе, што за першыя чатыры месяцы ў сталіцы памерлі 5835 чалавек. Такім чынам, натуральны прырост насельніцтва склаў 674 чалавекі.

Адзначым, што на 1 траўня ў Мінску жылі 1 мільён 817 тысяч 500 чалавек (1 студзеня было на 3500 чалавек менш).