У Мінску стартуе ХІ Калядны хакейны турнір

Каманды васьмі краін возьмуць удзел у Калядным міжнародным турніры аматараў хакею на прыз Аляксандра Лукашэнкі. На турніры выступяць каманды Беларусі, Германіі, Латвіі, Аб’яднаных Арабскіх Эміратаў, Расіі, Славакіі, Фінляндыі і Швейцарыі.

Беларусь будзе прадстаўленая камандай кіраўніка дзяржавы, у якую ўваходзяць як былыя, так і дзеючыя прафесійныя хакеісты. Напрыклад, нападаючы Вячаслаў Лісічкін гуляе за гродзенскі “Нёман”, форвард Максім Слыш — гулец мінскага “Юнацтва”. Абаронца Аляксандр Радзінскі выступае за жлобінскі “Металург”, а трэнер брамнікаў “Дынама-Маладзечна” Сяргей Шабанаў у гэтым сезоне двойчы выходзіў на лёд у чэмпіянаце Беларусі.

Пад нумарам 1 у камандзе гуляе Аляксандр Лукашэнка.

На папярэднім этапе турніра каманды згуляюць у двух групах:

Група А — Беларусь, Славакія, Швейцарыя, ААЭ;
Група В — Расія, Фінляндыя, Германія, Літвія.

Пераможцы груп сустрэнуцца ў фінале, а ўладальнікі другіх месцаў пазмагаюцца за бронзу.

Матчы каманд групы А пройдуць у мінскім Палацы спорту, дзе адбудзецца таксама ўрачыстая цырымонія адкрыцця. Другая чацвёрка будзе гуляць у “Чыжоўка-Арэне”, дзе пройдзе таксама матч за 3-е месца, фінал і ўрачыстая цырымонія закрыцця турніру.

Расклад матчаў:

4 студзеня

ААЭ — Швейцарыя (пачатак у 14.00)
Германія — Латвія (15.00)
Цырымонія адкрыцця турніру (18.00)
Беларусь — Славакія (19.00)
Расія — Фінляндыя (20.00);

5 студзеня

Славакія — Швейцарыя (14.00)
Фінляндыя — Латвія (16.00)
Беларусь — ААЭ (19.00)
Расія — Германія (19.00);

6 студзеня

Славакія — ААЭ (14.00)
Фінляндыя — Германія (16.00)
Швейцарыя — Беларусь (19.00)
Латвія — Расія (19.00)

7 студзеня:

матч за 3-е месца (13.00)
фінал і цырымонія закрыцця (19.00).

У папярэднія гады пераможцамі Каляднага міжнароднага турніру былі каманды Беларусі (2005, 2006, 2008-2010, 2012-2014) і Расіі (2007, 2011), нагадваюць Naviny.by

Фота: БЕЛТА