У Мінску за 130 мільёнаў рублёў прадалі грамадскую прыбіральню

Грамадскую прыбіральню прадалі з аўкцыёну ў Мінску за 130 мільёнаў рублёў. Яна месціцца па вуліцы Прытыцкага.
Першапачатковы кошт прыбіральні на аўкцыёне складаў 70 мільёнаў рублёў. Пра гэта ў панядзелак паведаміў намеснік дырэктара Мінскага гарадскога тэрытарыяльнага фонду дзяржаўнай маёмасці Віталь Вядзерка.