У Мінску зноў затапіла некаторыя вуліцы

У чацвер, шостага жніўня, у Мінску была моцная залева, у выніку чаго ізноў апынуліся затопленымі некаторыя вуліцы горада. Інтэнсіўны дождж працягваўся каля паловы гадзіны, пасля чаго пачаў сціхаць, але ўсё ж вада паспела затапіць вуліцы Сурганава, Скрыпнікава і Олешава, перадае "Тэлеграф".
Нагадаем, напярэдадні залевы ДАІ распаўсюдзіла паведамленне аб магчымасці затаплення шэрагу вуліц і плошчаў.

Па інфармацыі даішнікаў, пад вадой маглі апынуцца дарогі ў раёне плошчаў Бангалор і Перамогі, вуліцы Няміга, перакрыжаванняў праспекта Незалежнасці з вуліцамі Талбухіна, Сурганава, Каліноўскага, вуліцы Ціміразева з вуліцай Арлоўскай і іншыя.