У музеі Лукашэнкі ў Александрыі не ведаюць пра новую дату яго нараджэння

Інфармацыя пра новы дзень нараджэння прэзідэнта Беларусі пакуль што не дайшла да школьнага музея Аляксандра Лукашэнкі ў вёсцы Александрыя. Музейны стэнд захоўвае старую дату — 30 жніўня. "30 жніўня 1954 года. Я дакладна ведаю і дакладна кажу вам", — запэўніла Еўрарадыё намесніца дырэктара школы.

Згадкі пра старую дату нараджэння прэзідэнта дагэтуль захоўваюцца таксама на шэрагу сайтаў дзяржаўных СМІ.