У Мядзельскім раёне ловяць 8 небяспечных падлеткаў-уцекачоў
1 чэрвеня хлопцы збеглі з Крывіцкай спецпрафтэхвучэльні закрытага тыпу.
Пошукамі непаўналетніх займаецца Мядзельскі РАУС. Уцекачы — ўраджэнцы Віцебскай, Гомельскай, Брэсцкай, Мінскай абласцей і Мінска. Фотаздымкі хлопцаў і дадзеныя на іх можна пабачыць тут.
З выгляду падлеткам 17-18 гадоў. Яны могуць перамяшчацца як усе разам, так і разбіўшыся на дробныя групы, а таксама па адным. Могуць жабраваць, выглядаць неахайна, інфармуе прэс-служба міліцыі Мінскай вобласці.
Фота — Fotolia
