У наступным годзе раённыя газеты будуць каляровымі

Дзяржаўныя раённыя газеты, якія выдаюцца на тэрыторыі Беларусі, з 2008 года будуць выходзіць у колеры. Пра гэта паведаміў начальнік упраўлення вытворча-тэхнічнага развіцця Міністэрства інфармацыі Беларусі Мікалай Брашко.

Па яго словах, сёлета ў адпаведнасці з Комплекснай праграмай па падтрымцы дзяржаўных перыядычных друкаваных выданняў запланавана набыццё паліграфічнага абсталявання на суму 1 млрд. 700 млн. рублёў. Яно будзе ўсталявана ў Віцебску і Гомелі.

Друкаваная прадукцыя для Мінска, Мінскай, Гродзенскай, Брэсцкай і Магілёўскай абласцей будзе выдавацца ў сталіцы ў выдавецтве "Дом друку", паводле інфармацыі агенства БЕЛТА.