У Нью-Ёрку адбылася масавая бойка Санта-Клаўсаў (відэа)
У рукапашнай сышліся ўдзельнікі штогадовага свята “СантаКон”.
Відавочцы знялі кур'ёзнае дзейства на камеру і выклалі на YouTube.
Паліцыя ўжо прыступіла да расследавання інцыдэнту.
Перадкаляднае свята “СантаКон”, якое таксама называюць “Чырвоная пагроза”, з'явілася ў Сан-Францыска ў 1994 годзе. На сённяшні дзень яно праводзіцца ў 300 гарадах 44 краін свету, аднак асабліва папулярнае ў Нью-Ёрку.
Не ўсе гараджане любяць гэтую традыцыю. Ньюёркцы скардзяцца, што “вечарынка Санта–Клаўсаў” суправаджаецца агіднымі рэчамі: яе ўдзельнікі губляюць чалавечае аблічча, б'юцца, спраўляюць патрэбу ў грамадскіх месцах.
