У Пінску адкрылася выстава іранскай культуры
У пінскім музеі Беларускага Палесся адкрылася выстава “Іран — мая Радзіма”. Мерапрыемства арганізаванае амбасадай Ісламскай Рэспублікі Іран у Беларусі. Іранскія дыпламаты лічаць, што з дапамогай падобных імпрэзаў беларусы здолеюць зацікавіцца іх краінай і даведацца пра яе багатую гісторыю ды культуру. На экспазіцыі прадстаўленыя фотаздымк, кераміка, карціны, каліграфічныя ўзоры і знакамітыя персідскія дываны. Цікава, што ў ісламскай краіне ткуць дываны з сюжэтамі хрысціянскай Бібліі.
