У Расіі злодзеі скралі ў беларуса 20 тон сыра
Разбойнікі непадалёк ад Уладзіміра абрабавалі кіроўцу-беларуса.
На фуры Scania ён перавозіў 20 тон сыру. Бандыты прымусілі шафёра выпіць невядомыя таблеткі. Калі мужчына страціў прытомнасць, у яго скралі ўвесь сыр і 55 тысяч рублёў (каля 1700 долараў ЗША), паведамляюць расійскія СМІ.
Бандыты паклалі кіроўцу-беларуса ў яго машыну, даехалі да вёскі і кінулі яго ў кабіне. Кошт скрадзенага ацэньваецца ў 4 мільёны расійскіх рублёў (каля 130 тысяч долараў ЗША).
