У Слоніме ўшанавалі памяць Васіля Супруна
10 сакавіка прадстаўнікі слонімскіх дэмакратычных сілаў ушанавалі памяць вядомага слонімскага паэта і краязнаўца Васіля Супруна, які памёр у 2007 годзе.
Грамадскія актывісты ўсклалі кветкі на магілу Супруна і ўзгадалі яго добрымі словамі.
Васіль Супрун нарадзіўся ў вёсцы Глоўсевічы Слонімскага раёна. Ён быў вязнем савецкіх турмаў і лагераў. У 1946-1947 гадах ён быў кіраўніком слонімскай маладзёжнай антысталінскай арганізацыі “Чайка” і Цэнтра беларускага вызваленчага руху. Супрун таксама вядомы як аўтар кніг па гісторыі Слоніма, вершаў, краязнаўчых нарысаў.
У нядзелю 13 сакавіка ў Слоніме адбудзецца вечарына памяці Васіля Супруна.
