У Смаленску пахавалі 150 кілаграм радыеактыўных лісічак з Беларусі

У Смаленску знялі з продажу 150 кілаграм беларускіх лісічак. Грыбы збіраліся ў лясах Гомельшчыны і, як высветлілася, былі вельмі небяспечныя для здароўя, паведамляе сайт SmolNews.ru.

Па звестках смаленскай ветэрынарнай службы, утрыманне ў лісічках радыеактыўных рэчываў у два разы перавышала дапушчальныя нормы.

Паводле рэгламенту, як небяспечныя адкіды грыбы пахавалі на спецыяльным палігоне.