У Смаргоні скарачаецца працэдура высялення злосных неплацельшчыкаў
Падрабязнасці
паведамляе наш карэспандэнт Зміцер Панямонаў:
"Сума
запазычанасці па камунальных плацяжах у Смаргоні складае на сённяшні дзень 847
мільёнаў рублёў. Пра гэта паведаміла намеснік дырэктара унітарнага
прадпрыемства «Смаргонская жыллёва-камунальная гаспадарка» Ірына Кляпацкая.
Агулам у спісы неплацельшчыкаў патрапілі 435 смаргонцаў. 320 з іх не аплачвалі
камунальныя паслугі больш за месяц і іх запазычанасць складае 127 мільёнаў. Астатнія
730 мільёнаў рублёў на сумленні 115 чалавек, якія знаходзяцца ў «чорным спісе»
злосных неплацельшчыкаў звыш 6 месяцаў.
Супрацоўнікі Смаргонскай ЖКГ ужо
дабіліся высялення без прадастаўлення іншага жылля двух чалавек, збіраюцца
дакументы на трэцяга. Раней гэта працэдура расцягвалася на тэрмін ад 4 да 6
месяцаў. Зараз, у сувязі з магчымым падаражэннем камунальных паслуг, яе
плануюць значна скараціць і паскорыць".
