У Варшаве праходзіць святочны Марш да Дня Волі

У Варшаве ў гэтыя хвіліны праходзіць вялікая акцыя, прымеркаваная да Дня Волі — гадавіны абвяшчэння незалежнасці Беларускай Народнай Рэспублікі. Свята было ўчора, але Марш вырашылі правесці сёння. Ён праходзіць пад лозунгам "Беларусы салідарныя з Украінай".

"Мы яшчэ раз гучна заявім, што беларусы супраць вайны ва Украіне. Яшчэ раз заявім: Лукашэнка і Пуцін — дыктатары, якіх не падтрымлівае беларускі народ!",— казалі напярэдадні арганізатары.

Дэманстранты сабраліся а 14-тай гадзіне па мясцовым часе (16 гадзін па Мінску) каля Беларускага моладзевага хаба на плошчы Канстытуцыі. Адбыўся мітынг, на якім выступілі лідары дэмакратычнага руху Павел Латушка і Святлана Ціханоўская. Падчас выступу Ціханоўскай некалькі чалавек паспрабавалі зладзіць правакацыю — пачалі крычаць "Ганьба!". Але іншыя ўдзельнікі адказалі ім скандаванне "Жыве Беларусь!".

Святлана адрэагавала на інцыдэнт стрымана, сказала, што абдымае кожнага, хто прыйшоў на Марш да Дня Волі. Нават тых, хто крычаў "Ганьба!". Пасля мітынгу пачалося шэсце.

Еўрарадыё вядзе стрым з мерапрыемства.

Еўрарадыё вядзе стрым з мерапрыемства.