У Жлобіне забілі сябра Партыі БНФ

У горадзе Жлобін Гомельскай вобласці невядомыя забілі 53-гадовага Аркадзя Ліскаўца, сябра Партыі БНФ. Ён працаваў эканамістам на мясцовым прадпрыемстве «Аграгандаль», а тыдзень таму яго перавялі на працу вартаўніка. Цела Ліскаўца знайшлі на тэрыторыі складоў прадпрыемства. У яго быў моцна пабіты твар і праламаны чэрап. 25 траўня Аркадзя Ліскаўца пахавалі на могілках у Рэчыцы.

Радыё Свабода