У Жодзіне адбыўся прапушчаны матч чэмпіянату Беларусі па футболе

Адбыўся прапушчаны матч 12-га тура чэмпіянату Беларусі па футболе. “Тарпеда” (Жодзіна) і “Шахцёр” (Салігорск) згулялі ўнічыю 1:1. Прычым госці зраўнялі лік за хвіліну да фінальнага свістка.

Нагадаем, у чэмпіянаце лідыруе БАТЭ з 36 ачкамі (пасля 15 матчаў), у МТЗ-РЫПА 30 ачкоў (пасля 16 матчаў), “Шахцёр”, “Гомель” і “Тарпеда” набралі па 26 ачкоў.