Украіна больш не купляе паліва ў Беларусі
Усе пастаўкі цяпер ажыццяўляюцца выключна з краін ЕС / БЕЛТА
Украіна больш не купляе паліва з Беларусі. Усе пастаўкі ажыццяўляюцца выключна з краін ЕС, паведаміў міністр інфраструктуры Украіны Аляксандр Кубракоў.
Праз вайну, па словах міністра, Украіна вымушаная купляць паліва "паўсюль, дзе можна дастаць", у тым ліку ў Бельгіі і Нідэрландах.
Украіна была адным з найбуйнейшых пакупнікоў беларускага паліва. Амаль толькі на гэтую краіну працаваў завод у Мазыры, актыўна працавалі там і беларускія бізнесоўцы, у тым ліку Мікалай Варабей.
