Украінскіх жанчын-вайскоўцаў, якіх узялі ў палон, везлі праз Беларусь у Бранск
Украінскіх жанчын-вайскоўцаў, якіх расіяне ўзялі ў палон, везлі праз Беларусь у Бранск. Там, як сцвярджае ўпаўнаважаная Вярхоўнай рады Украіны па правах чалавека Людміла Дзянісава, іх катавалі, з іх здзекаваліся.
"Зняволеных распраналі дагала ў прысутнасці мужчын, прымушалі прысядаць, стрыглі валасы і пастаянна праводзілі допыты, намагаючы зламаць маральна, — піша Дзянісава. — Некаторых... прымушалі ўдзельнічаць у здымках прапагандысцкіх сюжэтаў, патрабуючы перайсці на рускую мову".
Упаўнаважаная Вярхоўнай рады заяўляе пра парушэнне Расіяй Жэнеўскай канвенцыі аб абыходжанні з ваеннапалоннымі. Яна звярнулася ў ААН і АБСЕ з залікам улічыць гэтыя парушэнні.
Як нагадвае hromadske.ua, 1 красавіка адбыўся абмен ваеннапалоннымі паміж Украінай і Расіяй. На радзіму вярнуліся 86 украінскіх вайскоўцаў, сярод іх — 15 жанчын.
