Украінскія войскі спрабуюць акружыць Ліман

Украінскія войскі спрабуюць акружыць Ліман — горад у Краматорскім раёне Данецкай вобласці Украіны. У аўторак украінскія крыніцы паведамілі пра вызваленне населенага пункта Рэдкадуб. Атрымліваецца, што ўкраінцы на гэтым участку фронту прарваліся на дзясяткі кіламетраў і намагаюцца з поўначы з баямі прарывацца да Лімана. А на ўсходзе адкрываецца важная траса Сватава — Крэменная. Адначасова ўкраінскія вайскоўцы намагаюцца акружыць Ліман з усходу, дзе таксама адбыўся прарыў абароны расійскіх войскаў.

Поспехі ўкраінскіх вайскоўцаў пацвярджаюць і расійскія крыніцы, якія традыцыйна сцвярджаюць пра вялікія страты наступаючых падраздзяленняў. Яны ж пішуць, што расійскае камандаванне ўводзіць рэзервы, каб утрымаць фронт.