Уладзімір Лабковіч: Тэрміны могуць атрымаць і экс-кандыдаты
Праваабаронца Уладзімір Лабковіч назваў сённяшні прысуд Васілю Парфянкову неапраўдана жорсткім.
"Максімум, на што цягне адказнасць Парфянкова — адміністрацыйнае пакаранне за ўдзел у несанкцыянаваным масавым мерапрыемстве", — заявіў ён у эфіры тэлеканала "Белсат".
Праваабаронца адзначыў, што суд падышоў да разгляду справы фармальна, крытычная ацэнка прадстаўленым "доказам" не давалася. "Сённяшні працэс паказаў, што тэрміны могуць атрымаць і экс-кандыдаты ў прэзідэнты", — падкрэсліў ён.
