Улетку пачне працаваць апартаментная частка Мірскага замка
“Начынне” замка значна разыходзіцца з сярэднявеччам: там ёсць ліфт, канферэнц-зала, рэстаран і гатэль.
Так, у гатэлі 16 пакояў рознага ўзроўню камфортнасці — першага класа, бізнэс і эканом-класаў. Як паведаміў БЕЛТА кіраўнік работ у Мірскім замку Дзмітрый Бубноўскі, інтэр’еры выкананыя збольшага ў манеры рускага мадэрну пачатку ХХ стагоддзя. Аднак архітэктары дзе маглі, там пастараліся падкрэсліць стылістычныя наслаенні розных эпох.
Рэстарацыя, змешчаная ў склепе замка, будзе мець дзве залі — адна будзе ў старадаўнім стылі, а другая — у сучасным.
