Упершыню на Піншчыне адбудуцца экалагічныя грамадскія слуханні
Экалагічныя грамадскія слуханні ўпершыню пройдуць у Пінскім раёне. Яны будуць папярэднічаць рэалізацыі праекта адкрытага акцыянернага таварыства “Парахонскае”, якое плануе пабудаваць буйны комплекс па вытворчасці ялавічыны. Гэты комплекс разлічаны больш чым на 10000 галоў рагатага быдла. Мяркуецца, што на грамадскіх слуханнях насельніцтву растлумачаць ступень магчымага ўздзеяння будучага комплексу на навакольнае асяроддзе.
