Усе на "Дастыш Фантастыш"!

17/04/2010 - 12:34

Увесь прагрэсіўны Мінск прыйшоў паглядзець на новае кіно. Сярод прысутных былі заўважаны вядомыя кінакрытыкі, акцёры, музыкі, журналісты…

Выканаўца галоўнай ролі Аляксандр Казела

Сяргей Пукст

Юля Глушыцкая і акцёры Купалаўскага тэатра

Падчас прэзентацыі фільма на сцэну выйшлі ўсе яго стваральнікі на чале з галоўным рэжысёрам Аляксандрам Канановічам. Рэжысёр гаварыў мала, аднак паказаў прысутным небезвядомага прадстаўніка мінскай багемы Сяргея Патаранскага. Менавіта Патаранскі падаў ідэю назвы фільма, за што і атрымаў бутэльку “Джэка Дэніэлса” з рук Канановіча.

Аляксандр Канановіч

Сяргей Патаранскі просіць дазвалення прачытаць адзін верш

Вядучыя прэзентацыі і ўдзельнікі фільма акцёры Алег Гарбуз і Анастасія Шпакоўская

Нагадаем, "Дастыш Фантастыш" – эксцэнтрычны трылер з элементамі вадэвіля.

Дарэчы, 23 красавіка ў “Рэактары” адбудзецца вялікая прэзентацыя саўндтрэку да фільма “Дастыш Фантастыш”. Сярод удзельнікаў – “Нака”, “Дзецідзяцей”, “У нескладовае”, “РСП” і “Крамбамбуля”.

Анастасія Шпакоўская

P.S.: У скарбонцы Беларусьфільма няма яшчэ ТАКОГА! Адразу відаць, што кіно здымалі не старпёры альбо ідэалагічна правільныя людзі, а малады і крэатыўны рэжысёр, які жыве і працуе ў асноўным у Маскве. Будзем спадзявацца, што “Дастыш Фантастыш” – першы крок нашага кіно да сусветнага кінематографа. Фільм варты ўвагі!