Ужо вядомыя тры кандыдаты на пасаду старшыні Партыі БНФ

Віктар Івашкевіч, намеснік старшыні Партыі БНФ, заявіў, што будзе балатавацца на выбарах партыйнага кіраўніка, якія адбудуцца падчас з’езду 8 снежня.  Цяпер Партыяй БНФ кіруе Вінцук Вячорка, ён таксама выказаў жаданне зноў пазмагацца за крэсла партыйнага лідэра. Яшчэ адзін кандыдат – намеснік старшыні Алесь Міхалевіч. Калі жаданне Міхалевіча ачоліць партыю было вядомае, дык заява Івашкевіча аказалася нечаканай.

Віктар Івашкевіч лічыць, што настаў час пераўтварыць Партыю БНФ з маленькай у масавую партыю, якая б стала лідэрам Аб’яднаных дэмакратычных сілаў і распачала кампанію пад назвай “Еўрапейскі марш”.

Ён збіраецца “мабілізаваць увесь фронт” і зрабіць так, каб усе групоўкі ў партыі працавалі разам на агульную мэту, паведамляе Радыё Свабода.