"Узмоцненага кантроля" на беларуска-расійскай мяжы не будзе

Дзяржаўны мытны камітэт Беларусі вырашыў устрымацца ад узмацнення кантроля за перамяшчэннем грузаў з Расіі ў Беларусь.  Нагадаем, рашэнне аб яго ўвядзенні было прынятае ў аўторак ўвечары ў адказ на падобныя дзеянні расійскага боку. Аднак цяпер заяўляецца, што з'явілася інфармацыя пра магчымасць бесперашкоднага перамяшчэння ў Расію беларускіх грузаў, інфармуе БелаПАН.

Нагадаем, вечарам 17 чэрвеня стала вядома. што Беларусь і Расія вырашылі "малочную" праблему. У Маскве быў падпісаны дакумент, які задавольвае абодва бакі. Раніцай 18 чэрвеня пастаўкі беларускай малочнай прадукцыі ў Маскву мусяць аднавіцца.