Ва Украіне перавярнуліся вагоны беларускага таварнага цягніка
Здарэнне адбылося 1 лістапада на чыгуначнай станцыі Хрыплін у Івана-Франкоўскай вобласці.
Падчас руху цягніка ад яго адчапіліся, а потым сышлі з рэек пяць грузавых вагонаў, два з іх перакуліліся. Хуткасць цягніка была невысокай, паколькі гэта здарылася каля чыгуначнага пераезду.
Падчас аварыі на чыгунцы ніхто не пацярпеў, паведамляюць украінскія СМІ.
Па словах відавочцаў, у вагонах перавозілі камяні. Праўдападобна, што груз ішоў з Беларусі, бо на вагонах былі надпісы “Свабодная эканамічная зона. Віцебск”.
