Вальфовіч абверг звесткі, што Расія перакідвае ў Беларусь іранскія дроны
Аляксандр Вальфовіч / прэс-служба Мінабароны
Краіны Захаду спрабуюць уцягнуць Беларусь у вайну ва Украіне і таму шукаюць самыя розныя нагоды. З такой заявай падчас сустрэчы з супрацоўнікамі БелАЗа выступіў дзяржсакратар Савета бяспекі Аляксандр Вальфовіч, перадае Sputnik.
Як паведамлялася раней, Аляксандр Лукашэнка прызнаваў, што Беларусь ужо ўдзельнічае ў гэтай вайне на баку Расіі, прыкрываючы яе тылы і дапамагаючы забеспячэннем.
Як прыклад уцягвання Вальфовіч назваў звесткі пра тое, што расійскія вайскоўцы нібыта перамясцілі на тэрыторыю Беларусі дроны іранскай вытворчасці. "Абсалютная хлусня! Хоць гэтая інфармацыя па розных крыніцах праводзіцца", — заявіў Вальфовіч.
Напярэдадні ўкраінская раведка паведаміла, быццам Расія перакінула ў Беларусь 32 дроны-камікадзэ "Шахід-136". Да 14 кастрычніка быццам бы плануецца завезці яшчэ 8 такіх дронаў. Таксама Генштаб УСУ паведамляў, быццам з тэрыторыі Беларусі вялася атака на Украіну такімі дронамі.
