Вандалы апаганілі мячэць у Стакгольме
Малюнкі ў выглядзе нацысцкай свастыкі былі знойдзеныя на сценах будынку раніцай 2 студзеня.
Паводле словаў служыцеля мячэці, гэта не першы выпадак, калі вандалы атакуюць культавы будынак. Але раней яны не малявалі свастыку, паведамляе РИА Новости.
Пра акт вандалізму прадстаўнікі мусульманскай царквы паведамілі ў паліцыю, дзе малюнкі былі зафіксаваныя ў якасці доказаў. “Такія справы маюць прыярытэтнае значэнне, калі адбываюцца ў такім месцы і на фоне настрояў, якія лунаюць у грамадстве”, — заявіў прадстаўнік паліцыі Стакгольму Мікаэль Петэрсан.
Фота: REUTERS
