Віцэ-прэм'ер РФ: Запарожская АЭС будзе працаваць на Расію
Запарожская атамная электрастанцыя будзе працаваць на Расію, але зможа пастаўляць электраэнергію і ва Украіну пры ўмове аплаты. З такой заявай выступіў віцэ-прэм'ер Расіі Марат Хуснулін, піша "Новая газета".
Расійскі чыноўнік заявіў, што АЭС будзе канкурэнтаздольная, бо атамная энергія — адзін з самых танных відаў, таму прадаць яе будзе нескладана.
Пры гэтым кіраўніцтва Расіі пастаянна заяўляе, быццам не збіраецца заваёўваць Украіну.
Раней паведамлялася, што расійскія войскі вывозяць з захопленых раёнаў Украіны збожжа.
