Віцябляне заступіліся за бяздомных жывёлаў

У Віцебску 21 сакавіка адбылася акцыя ў абарону бяздомных жывёлаў. Яе арганізавалі неабыякавыя да гэтай праблемы школьнікі і студэнты.  Маладыя людзі ішлі ад гарадскога заапарка па вуліцы Леніна і раздавалі мінакам улёткі з заклікам быць гуманнымі і не кідаць хатніх жывёлаў. Амаль усе мінакі рэагавалі на юных валанцёраў добразычліва і з цікавасцю чыталі ўлёткі.

Як распавялі ўдзельнікі акцыі, у кожнага з іх ёсць хатні ўлюбёнец. Пераважна гэта падабраныя на вуліцы бадзяжныя жывёлы.

"Народныя навіны Віцебска"