Відэа, як IVAN на рэпетыцыі ў Стакгольме некалькі секунд спяваў без адзення
На YouTube з'явілася відэа запісу выступу на сцэне "Еўрабачання" беларускага прадстаўніка падчас рэпетыцыі. IVAN (Аляксандр Іваноў) толькі некалькі секунд спяваў без адзення. Спачатку ён з'явіўся на сцэне ў выглядзе галаграмы разам з ваўком. А пасля ўжо спяваў "ужывую" і ў касцюме.
IVAN выступае ў другім паўфінале "Еўрабачання", які пройдзе 12 траўня. Фінал міжнароднага конкурса песні прызначаны на суботу, 14 траўня.
