ВПС Лівіі больш не існуюць як баявая сіла
З такой заявай выступіў камандуючы брытанскай авіяцыяй Грэг Барвэлл на базе ў Сіцыліі, паведамляе агенцтва Рэйтэр.
Паводле яго слоў, самалёты саюзнікаў цяпер могуць дзейнічаць без праблем і засяродзіцца на наземных мэтах. ВПС кааліцыі будуць атакаваць лівійскае войска ў выпадку пагрозы з яе боку мірнаму насельніцтву.
Вядома, што на ўзбраенні лівійскага войска былі знішчальнікі вытворчасці СССР — МіГ-21 МФ, МіГ-23, знішчальнікі-бамбавікі Су-22, штурмавік-выведнік вытворчасці Югаславіі SOKO Mostar J-1Е. Усяго каля 50 баявых самалётаў.
