Вынікі другога паўфінала "Еўрабачання"
У чацвер сталі вядомыя яшчэ 10 удзельнікаў фіналу міжнароднага конкурса песні, які праходзіць у Швецыі.
Па выніках галасавання ў другім паўфінале ў першую дзясятку патрапілі прадстаўнікі Азербайджана, Фінляндыі, Мальты, Ісландыі, Грэцыі, Арменіі, Венгрыі, Нарвегіі, Грузіі і Румыніі.
Нагадаем, з першага паўфінала ў фінал прайшлі Беларусь, Малдова, Літва, Ірландыя, Эстонія, Данія, Расія, Бельгія, Украіна, Нідэрланды.
Традыцыйна без паўфінальнага "адсеву" у фінале, які пройдзе ў суботу, 18 траўня, выступяць прадстаўнікі краін "Вялікай пяцёркі" — Нямеччыны, Іспаніі, Вялікабрытаніі, Францыі, Італіі. Да іх далучыцца прадстаўнік краіны-гаспадыні "Еўрабачання" Швецыі.
