Выпадковае фота: жанчына не дабегла да сына — яе спыніла маланка
Некалькі ўнікальных кадраў зрабіла відавочца трагічных падзеяў на пляжы бразільскага горада Сан-Паўлу.
Яна фатаграфавала, калі проста на вачах сваёй сям'і загінула жанчына, у якую патрапіў разрад маланкі. 36-гадовая Разангела Біяваці памерла адразу пасля ўдару электрычнага разраду, хаця блізкія спрабавалі яе выратаваць.
На здымку зверху бачны электрычны зарад, які патрапіў дакладна ў жанчыну, якая была ў вадзе (яе закрывае аўтамабіль Mitsubishi). Ніжэй — здымак, на якім яшчэ да ўдару маланкі Разангела Біяваці бяжыць да акіяну. На астатніх здымках мужчыны дастаюць жанчыну з вады і спрабуюць яе вярнуць да жыцця, інфармуе Delfi.
