Як у Беларусі святкавалі Дзень Перамогі

Фотарэпартаж з мінскага святочнага шэсця з нагоды 64-х угодкаў капітуляцыі гітляроўскай Нямеччыны Розныя імпрэзы адбыліся ва ўсіх буйных гарадах краіны. У Мінску прайшло шэсце ветэранаў, якое ачоліў Аляксандр Лукашэнка

"Над гэтым вялікім святам не ўлады час", —  заявіў беларускі кіраўнік. У Брэсце актывісты грамадскай кампаніі "Наш дом" усклалі вянок да Вечнага агню і хвілінай маўчання ўшанавалі памяць загінулых у ІІ Сусветнай вайне. У акцыі ўзялі ўдзел 30 дэмакратычных актывістаў з усяе Беларусі, паведамляе БелаПАН.