Якаўлеўскі: Зэльцэр стаў закладнікам чыёйсьці гульні

Вызваленне амерыканскага юрыста Эмануіла Зэльцэра, які адбывае трохгадовы тэрмін зняволення ў калоніі №15 Магілёва, аглядальнік Раман Якаўлеўскі расцэньвае як станоўчы факт у двухбаковых адносінах. Аднак прапаноўвае не спяшацца з аптымістычнымі прагнозамі.
Якаўлеўскі: “Я прапанаваў бы паслухаць, што Зэльцэр скажа пасля вызвалення. Таму што было абяцана нешта такое сказаць, што здольна здзівіць і азадачыць свет. Калі гэтага не будзе, то безумоўна, гэта крок пазітыўны, яго варта вітаць, і выказаць шкадаванне, што грамадзянін ЗША стаў разменнай манетай у чыёйсьці гульні”.

Раман Якаўлеўскі выказаў шкадаванне, што амерыканец стаў закладнікам нечыіх гульняў. У палітаглядальніка скалалася ўражанне, што амністыю да амерыканца не прымянялі спецыяльна — чакалі, калі лёс Эмануіла Зэльцэра можна будзе "даражэй прадаць".